Танд тусалъя

Сайнскор хэрэглэгчдэд хэрхэн туслах вэ?

Хэрэглэгчийн түгээмэл асуулт хариулт

  • Би зээлийн лавлагаа, тайлангаа хэрхэн шалгах вэ ?
    Иргэн, аж ахуй нэгж зээлийн лавлагааг сайнскор сайтаас өөрийн хэрэглэгчийн эрхээр нэвтэрч, авах гэж буй лавлагааны төрлийг сонгож төлбөр төлсний дараа авах боломжтой.
  • Зээлийн түүх сайн байхын гол давуу талууд юу вэ ?
    Зээлийн сайн түүх нь олон боломжийг нээж өгч, урт хугацаанд их хэмжээний мөнгийг хэмнэж чадна. Зээлийн түүхээ сайн байлгах нь урт зам боловч, үнэ цэнтэй зүйл юм. Та санхүүгийн мэргэжилтэн байх шаардлагагүй, өөрийн хэрэгцээ болон одоогийн нөхцөл байдалд хамгийн сайн тохирох зээлийн шийдлийг сонгох, төлбөрийн сайн дадал зуршлыг бий болгох, зээлийн тайлангаа тогтмол хянах нь танд дараа дараагийн зээл болон бусад боломжуудыг олгоно.
  • Зээлийн мэдээллийн сангийн мэдээлэл хэр хурдан шинэчлэгддэг вэ?
    “Зээлийн мэдээллийн тухай” хуулийн 18 дугаар зүйлийн 18.1 дэх хэсэгт заасны дагуу мэдээлэл нийлүүлэгч иргэн, аж ахуй нэгжийн зээл, төлбөрийн мэдээлэл, нэмэлт өөрчлөлтийг ажлын гурван өдрийн дотор зээлийн мэдээллийн санд нийлүүлдэг. Мөн хуулийн 18 дугаар зүйлийн 18.2 дахь хэсэгт заасны дагуу мэдээлэл нийлүүлэгч иргэн, аж ахуй нэгжийн мэдээллийг зээлийн мэдээллийн санд нийлүүлсэн тэр даруйд тухайн иргэн, аж ахуй нэгжийн мэдээлэл шинэчлэгддэг.
  • Зээлийн мэдээллийн сангийн мэдээлэл ямар хугацаанд хадгалагддаг вэ?
    “Зээлийн мэдээллийн тухай” хуулийн 19 дүгээр зүйлийн 19.1 дэх хэсэгт заасны дагуу зээлийн мэдээллийн сан дахь иргэн, аж ахуй нэгжийн бүрэн төлөгдсөн зээл, төлбөрийн мэдээлэл 10 жилийн хугацаанд, төлөгдөж дуусаагүй зээл, төлбөрийн мэдээлэл байнга хадгалагддаг.
  • Зээлийн мэдээллийн сан дахь сөрөг мэдээллийг арилгуулах боломжтой юу?
    “Зээлийн мэдээллийн тухай” хуулийн 19 дүгээр зүйлийн 19.1 дэх хэсэгт заасны дагуу зээлийн мэдээллийн сан дахь иргэн, аж ахуй нэгжийн үнэн зөв зээл, төлбөрийн мэдээллийг 10 жилийн хугацаанд устгах боломжгүй. Мөн хуулийн 22 дугаар зүйлийн 22.1.2 дахь хэсэгт заасны дагуу иргэн, аж ахуй нэгж нь зээлийн мэдээллийн сан дахь мэдээлэл үнэн зөв, бүрэн гүйцэт бус тохиолдолд мэдээллийг шинэчлэхийг тухайн мэдээллийг нийлүүлсэн байгууллагаас шаардах эрхтэй.

Сайнскор бизнест хэрхэн туслах вэ?

Хамтын ажиллагааны түгээмэл асуулт хариулт

  • Сайнскорт мэдээлэл нийлүүлэхэд мэдээллийн аюулгүй байдлыг хэрхэн хангах вэ?
    Сайнскор суурь систем нь COBIT - мэдээллийн технологийн хяналт, удирдлагын тогтолцоо болон ISO 27001 мэдээллийн аюулгүй байдлын олон улсын стандартын шаардлагыг хангасан тул үйл ажиллагааны хүрээнд цуглуулсан, боловсруулсан мэдээллийг бусдад задруулах, өөрчлөгдөх, устгагдахаас хамгаалж мэдээллийн нууцлалтай, бүрэн бүтэн, хүртээмжтэй байдлыг найдвартай хангасныг батлаж байгаа.
  • Бүтээгдэхүүн үйлчилгээний үнийн хөнгөлөлт байгаа юу ?
    Стратегийн түншлэлийн хүрээнд хөнгөлөлт, урамшууллыг харилцан тохиролцож болно.
  • Сайнскортой хэрхэн мэдээлэл нийлүүлэгчээр хамтран ажиллах вэ?
    Та манай байгууллагын борлуулалт гэрээний менежер Г.Саранхүү 89104433 утсаар холбогдох, мөн вэбсайт дээрх хамтран ажиллах хүсэлт хэсгийн мэдээллийг бөглөөд илгээхэд бид танай руу эргэн холбоо барих болно.

Зээлийн мэдээллийн сангийн үйлчилгээ тун удахгүй