FICO® зээлийн онооны тухайТаны мэдэх хэрэгтэй бүх зүйл

FICO® Score зээлийн оноо гэж юу вэ?

FICO® Score зээлийн оноо нь олон улсад хүлээн зөвшөөрөгдсөн, хамгийн өргөн ашиглагддаг зээлийн онооны загвар юм. Энэ нь иргэний өмнөх зээл, төлөлтийн түүхэн мэдээлэлд үндэслэн зээлийн үүргээ хэр тогтвортой биелүүлж ирсэн байдлыг 300-аас 850 хүртэлх оноогоор илэрхийлдэг үзүүлэлт бөгөөд банк, санхүүгийн байгууллагууд тус оноог зээлийн хүсэлтийг судлахдаа нэг үзүүлэлт болгон ашигладаг.

FICO® Score зээлийн онооны зэрэглэл

• Онцгой сайн

  700 - 850

• Маш сайн

  630 - 699

• Сайн

  600 - 629

• Боломжийн

  580 - 599

• Тааруу

  390 - 579

Оноо өндөр байх тусам тухайн иргэнийг зээлээ хугацаанд нь төлөх боломжтой, хариуцлагатай зээлдэгч гэж үнэлэхэд давуу тал болно. Харин бага байвал өмнөх зээл болоод төлөлтийн мэдээлэлд анхаарах зүйл байж болохыг харуулна.

Энгийнээр хэлбэл

FICO® Score зээлийн оноо нь түүхэн мэдээлэлд үндэслэн хувь хүний зээл, санхүүгийн хариуцлагыг тоон утгаар илэрхийлсэн үзүүлэлт юм.

Оноо тооцоход ямар мэдээлэл ашигладаг вэ?

FICO® Score зээлийн оноог тухайн иргэний зээлийн мэдээллийн санд бүртгэгдсэн түүхэн мэдээлэлд үндэслэн тооцдог. Үүнд өмнөх зээлүүдээ хугацаанд нь төлсөн эсэх, одоо идэвхтэй байгаа нийт зээл, ашиглалтын хугацаа зэрэг мэдээллүүд багтана.

FICO® Score зээлийн оноог тооцоход дараах хувийн мэдээллүүдийг ашигладаггүй:

Орлогын хэмжээг FICO® Score зээлийн онооны тооцоололд ашигладаггүй. Гэхдээ банк, санхүүгийн байгууллага таны одоогийн санхүүгийн ачаалал болон шинээр авах зээлээ төлөх боломжийг илүү нарийн үнэлэхийн тулд өр-орлогын харьцааг тусад нь шалгадаг.

FICO® Score зээлийн оноонд ямар хүчин зүйлс нөлөөлдөг вэ?

Дараах таван төрлийн мэдээлэл FICO® Score зээлийн оноонд голлон нөлөөлнө:

Оноонд нөлөөлсөн хүчин зүйлс гэж юу вэ?

Иргэн FICO® Score зээлийн оноогоо шалгахад тухайн оноонд хамгийн их нөлөөлсөн шалтгаануудыг хамт харуулна. Хамгийн эхэнд байгаа шалтгаан нь оноонд хамгийн их нөлөөлсөн байна. Энэхүү тайлбар нь:

Эдгээр суурь шалтгаанууд нь оноогоо ойлгож, юуг сайжруулах хэрэгтэйг харуулсан тайлбар гэж ойлгох хэрэгттэй.

Банк, санхүүгийн байгууллагууд FICO® Score зээлийн оноог юунд ашигладаг вэ?

Банк, санхүүгийн байгууллага FICO® Score зээлийн оноог ашиглан тухайн зээл хүсэгчийн өмнөх зээл, төлөлтийн түүхийг нэгдсэн аргачлалаар үнэлдэг. Ингэснээр иргэний зээлийн хүсэлтийг үнэн зөв мэдээлэлд тулгуурлан илүү богино хугацаанд шийдвэрлэхэд тусална.

FICO® Score зээлийн оноог дараах зорилгоор ашиглана:

• Зээлээ хугацаанд нь төлөх боломжийг үнэлэх

• Зээлийн хэмжээ, хүү болон бусад нөхцөлийг тогтоох

• Одоо ашиглаж буй зээлийн төлөлтийг хянах

• Зээл олгох эсэхийг шийдэх

Өндөр зээлийн оноо нь илүү таатай нөхцөлтэй зээл авах боломжийг нэмэгдүүлж болно. Гэхдээ эцсийн шийдвэрийг банк, санхүүгийн байгууллага тухайн иргэний өр-орлогын харьцаа болон бусад шалгуурыг хамтад нь авч үзсэний үндсэнд гаргана.

FICO® Score зээлийн оноо өөрчлөгддөг үү?

Таны зээл, төлөлтийн мэдээлэл банк, санхүүгийн байгууллагаас шинэчлэгдэн ирэх бүрд оноо дахин тооцогдож, тухайн мэдээллээс шалтгаалан өсөх эсвэл буурах боломжтой.

Өөрөөр хэлбэл, таны зээлийн мэдээлэл шинэчлэгдэхэд FICO® Score зээлийн оноо бодит цагийн горимоор дагаж өөрчлөгдөнө. Жишээлбэл:

• Төлбөрөө хугацаанд нь төлөх

• Төлбөрийн хугацаа хэтрэх

• Шинээр зээл авах

• Зээлээ бүрэн төлж хаах

• Зээлийн мэдээлэл шинэчлэгдэх

• Зээлийн түүхийн хугацаа уртсах

FICO® Score зээлийн оноогоо хэрхэн сайжруулах вэ?

Зээлийн оноог нэг өдрийн дотор огцом өсгөх “богино зам” гэж байхгүй. Харин санхүүгийн зөв зуршлаа тогтвортой хадгалснаар оноогоо аажмаар сайжруулах боломжтой.